Konkurroni për venën më të mirë

Këshilli Organizativ i festës tradicionale të  vjeljes së rrushit “Hardh Fest” 2015 në Rahovec, shpall konkurs të hapur në nivelin kombëtar për zgjedhjen e verës (venës) më të mire, thuhet në një komunikatë të “Hardh Fest 2015”, transmeton Klan Kosova.

Konkursi për shpalljen e verës më të mirë do të bëhet për këto varietete (lloje):

Kabernet Souvignon (nuk kufizohet viti i vjeljes apo i prodhimit);

Vranac (nuk kufizohet viti i vjeljes apo i prodhimit);

Chardonnay (nuk kufizohet viti i vjeljes apo i prodhimit);

Raki rrushi.

Të drejtën e pjesëmarrjes në konkurs dhe procedurat e aplikimit:

Në këtë konkurs kanë të drejtë të aplikojnë të gjitha kompanitë që kanë veprimtari primare përpunimin e rrushit dhe prodhimin e verës në Kosovë,

Kompania duhet të dëshmojë se është e regjistruar në ARBK,

Kompania duhet të dëshmojë se është e licencuar në MBPZHR, DVV Rahovec.

Vërejtje:

-Afati i fundit i aplikimit është 31.08.2015, ora 16:00,

-Mostrat dorëzohen në shishet standarde (“Bordoleze”) të parapara sipas ligjit të verërave,

-Secila mostër që merr pjesë në kompeticion dorëzohen  nga 3 (tri) shishe.

-Për vlerësimin e këtyre verërave do të formohet komisioni  shtetëror për degustim nga Ministri i MBPZHR,

-Shpallja e rezultateve dhe marrja e shpërblimeve bëhet më  5 shtator 2015, gjatë ceremonisë  së  Festivalit.

-Komisioni do të vlerësojë dhe do të shpallë për secilën mostër  (1-4)

Vendi i parë,

Vendi i dytë,

Vendi i tretë.