“Këtë mëngjes na tha se…” – Flick konfirmon se Ter Stegen po largohet

Trajneri i Barcelonës, Hansi Flick, ka komentuar transferimin e portierit Marc-Andre ter Stegen te Girona.

Në konferencën për shtyp para ndeshjes së javës së 7-të të Ligës së Kampionëve kundër Slavia Pragës, një gazetar e pyeti trajnerin e Barcelonës, Hansi Flick, nëse largimi i Ter Stegen ishte konfirmuar. Flick u përgjigj: “A është konfirmuar tashmë? Oh, Balde e konfirmoi sot në konferencën për shtyp…” tha trajneri me shaka.

Flick shtoi: “Këtë mëngjes Marc na tha se do të transferohet te Girona. Ai është një portier fantastik dhe i urojmë gjithë të mirat”, transmeton Klankosova.tv

Flick theksoi se Ter Stegen kishte nevojë për kohë të rregullt loje për të pasur një shans për t’u përfshirë në skuadrën e Kupës së Botës këtë verë.

“Ai është një portier i jashtëzakonshëm dhe duhej të luante që të ishte gati për turnetë e mëdha”, shtoi trajneri.

Këtë sezon, Marc-Andre ter Stegen ka luajtur vetëm një ndeshje për skuadrën katalanase – në Kupën e Mbretit kundër Guadalajarës, ku portieri gjerman e mbajti portën të paprekur. /Klankosova.tv