Këta janë tre zyrtarët policorë që u suspenduan, dyshohet se morën pjesë në aktivitete politike

Inspektorati i Policisë i ka suspenduar tre zyrtarë policorë.

Majori, koloneli dhe një rreshter i policisë u suspenduan mbi dyshimet se ata kishin marrë në tubime politike.

Lidhur me këtë, Policia e Kosovës tha se kjo bie ndesh me procedurat ligjore si dhe udhëzimet e brendshme.

Klankosova.tv mëson se në mesin e të suspenduarve është majori Isak Ejupi.

Ejupi ditë më parë kishte marrë pjesë në një tubim politik të organizuar nga LDK-ja.

Në fakt, majori i policisë u dërgua në procedurë disiplinore nga Inspektorati Policor.

Ndërkaq, koloneli i suspenduar është Nexhmedin Krasniqi, drejtor i Drejtorisë Rajonale për kufi.

Krasniqi dyshohet se ditë më parë mori pjesë në një darkë të organizuar nga PDK-ja.

E rreshteri i suspenduar është Idriz Gashi.

Edhe ky i fundit dyshohet se kishte marrë pjesë në një tubim politik në fshatin Rezallë të Skenderajt njofton Klankosova.tv/ Klankosova.tv

Suspendohen tre zyrtarë policorë, dyshohen për pjesëmarrje në aktivitete politike