Kadri Veseli mirëpret në PDK stomatologun Engjell Uka

Kryetari i PDK-së, Kadri Veseli, ka vazhduar pritjen e anëtarëve të rinj në subjektin që ai drejton.

Kësaj radhe ai ka bërë të ditur nga facebook, se PDK-së i është bashkuar edhe një tjetër profesionst, stomatologu Engjell Uka, njofton Klan Kosova.

”Stomatologu Engjell Uka u bë pjesë e familjes sonë politike. Si shumë profesionistë që janë duke ndërtuar karrierën e tyre, edhe Engjelli e di se vetëm PDK-ja u jep shanse të vërteta atyre.

Ne i kemi promovuar gjithmonë të rinjtë kompetentë. U kemi dhënë hapësirë dhe u kemi besuar përgjegjësi për të udhëhequr me sektorë të rëndësishëm.

Qeveria ime e ardhshme, si asnjëherë më parë, do të ketë më së shumti të rinj”.