Juventus e nxjerr mezi një pikë nga Bologna

Juventus mezi e ka nxjerrë një pikë në javën e parafundit në Serie A.

“Zonja e vjetër” u ballafaqua me Bolognen, rezultati i ndeshjes përfundoi 3:3.

Fillimisht skuadra nga Torino po humbte 3:0 nga vendasit për ta barazuar më pas rezultatin brenda 15 minutash të fundit të lojës.

Që në minutën e dytë, Calafiori kaloi vendësit në avantazh.

Zhvillohej minuta e 11-të kur sërish Bologna shënon, këtë herë me autor Castron për 2:0.

Ekipi italian e nisi fuqishëm edhe pjesën e dytë.

Në minutën e 53-të, sërish në skenë Calafiori, i cili realizoi golin e dytë personal dhe të tretin për skuadrën e tij.

Kur të gjithë menduan se Bologna do të marr tre pikë, kështu nuk menduan djelmoshat juventinë, që në 15-të minutat e fundit të takimit shënuan tri herë radhazi.

Serinë e golave për zonjën e vjetër e hapi Chiesa.

Brenda dy minutave, Juventusi barazoi gjithçka.

Në minutin e 83-të Milik realizoi gol të bukur për 3:2.

Baraspeshën në takim e vuri sërish Yldiz, i cili realizoi për 3:3 dhe rezultatin final.

Me këtë barazim, të dy skuadrat kanë nga 68 pikë në pozitat tre e katër dhe java e fundit do të vendos për fatin e tyre për një vend në Champions, pasi aty në lojë është edhe Atalanta, që ka një pikë më pak e një ndeshje më pak.