Jeton Beqiri referon finale në Baku

Në Lojërat Europiane Olimpike të Baku-s, pos pjesëmarrësve garues,  Kosova u prezantua edhe në nivel gjyqtarësh.

Jeton Beqiri, gjyqtari i ping pongut, ka ndarë drejtësinë në finalen e Lojërave Olimpike Evropiane ekipore të femrave në ping pong në mes të Gjermanisë dhe Holandës, transmeton Klan Kosova.

Beqiri  tregon se “Baku është shembull i organizimit profesional të lojërave evropiane dhe mundësi e mirë e promovimit të sportit në Evropë, e ndaras kësaj Baku është po ashtu mundësi e mirë edhe për  ndërlidhjen mes kulturave dhe popujve”.

Për më tepër Jetoni është i pari shqiptar që ka referuar edhe finale të tjera ndërkombëtare në ping pong.