Jennifer Aniston ndan një mesazh prekës për Matthew Perry

Jennifer Aniston ka nderuar shokun e saj të ndjerë të grupit Friends, Matthew Perry.

Aktori, më i njohur për portretizimin e shakatarit sarkastik Chandler Bing, u gjet i vdekur në shtëpinë e tij në Los Angeles, Kaliforni, më 23 tetor. Ai ishte 54 vjeç.

Aniston, e cila luajti Rachel Green në sitcom-in ultra-popullor të NBC-së, ndau një mesazh në lidhje me Perry-n në Instagram, afërsisht në të njëjtën kohë kur bashkë-ylli i saj David Schwimmer gjithashtu ndau një homazh të përzemërt.

“O, kjo më prenë thellë… T’i them lamtumirë Matit tonë ka qenë një valë e çmendur emocionesh që nuk i kam përjetuar kurrë më parë. Të gjithë ne përjetojmë humbje në një moment të jetës sonë. Humbje e jetës ose humbje e dashurisë”, e filloi mesazhin e saj Aniston.

“Të jesh në gjendje të ulesh vërtet në këtë pikëllim të lejon të ndjesh momentet e gëzimit dhe mirënjohjes që ke dashur dikë kaq thellë. Dhe ne e donim shumë. Ai ishte një pjesë e tillë e ADN-së sonë. Ne ishim gjithmonë të 6-të. Kjo ishte një familje e zgjedhur që ndryshoi përgjithmonë rrugën e asaj që ishim dhe cila do të ishte rruga jonë. Për Matty, ai e dinte se i pëlqente t’i bënte njerëzit të qeshin. Siç tha edhe vetë, nëse nuk e dëgjonte ‘të qeshurën’ mendonte se do të vdiste”, vazhdonte shkrimi i saj, shkruan The Independent, transmeton Klankosova.tv.

“Jeta e tij varej fjalë për fjalë nga ajo. Dhe ky djali ia doli të bënte pikërisht këtë. Ai na bëri të gjithëve të qeshnim. Të qeshnim fort. Në dy javët e fundit, unë i kam shikuar tekstet tona të njëri-tjetrit. Duke qeshur dhe duke qarë pastaj duke qeshur përsëri. Unë do t’i ruaj përgjithmonë. Gjeta një mesazh që më dërgoi nga hiçi një ditë. Ajo i thotë të gjitha.”, vazhdoi Aniston.

“Matty, të dua shumë dhe e di që tani je plotësisht në paqe dhe pa dhimbje. Unë flas me ty çdo ditë… ndonjëherë pothuajse mund të të dëgjoj duke thënë ‘a mund të jesh më e çmendur?’”.

”Pusho vëlla i vogël. Ti gjithmonë më bëre ditën më të bukur…”, e përfundoi Aniston, homazhin për mikun e saj të ndjerë.