Izraeli ndan miliona euro për muzeun me dokumentet e Ajnshtajnit

Qeveria izraelite do të ndajë miliona euro për një muze që do të strehojë koleksionin më të madh në botë të dokumenteve për fizikantin Albert Ajnshtajn, njoftoi Universiteti Hebraik.

Ndërtesa e re do të shfaqet brenda kampusit të Universitetit Givat Ram, në Jerusalem, raporton Hina, transmeton Klankosova.tv.

Qeveria është zotuar të ndajë 6.1 milionë euro për financimin e muzeut dhe 12.2 milionë euro shtesë për universitetin.

Ajnshtajni, një nga themeluesit e Universitetit Hebraik. konsiderohet si një nga fizikantët më të mëdhenj teorikë të të gjitha kohërave. Pas vdekjes së tij, ai i la universitetit pothuajse 82,000 dorëshkrime, letra, fotografi, dokumente dhe sende të tjera me vlerë. Vdiq në vitin 1955 në moshën 76-vjeçare.

Kuratori i muzeut Roni Grosz tregon se ky është koleksioni më i madh i dokumenteve të Ajnshtajnit në botë.