Isaku refuzon ofertën marramendëse nga Al Hilali

Sulmuesi i Newcastle United, Alexander Isak, ka refuzuar një ofertë prej 700 mijë euro në javë nga klubi saudit Al Hilal.

Klubi nga Arabia Saudite tentoi ta joshë me një kontratë super luksoze, por suedezi tha “jo”, duke treguar qartë se prioriteti i tij është të qëndrojë në elitën e futbollit evropian.

Isaku vazhdon të lidhet ngushtë me një kalim të mundshëm te Liverpooli, që thuhet se është destinacioni i vetëm që ai dëshiron.

Ky refuzim është një sinjal i fortë se 24-vjeçari po synon sukses sportiv, jo vetëm financiar.