Iranianët që hakuan fushatën e Trumpit, kanë ekspertizë të thellë

Sipas studiuesve dhe ekspertëve, ekipi i hakerëve iranianë që kompromentoi fushatën e kandidatit republikan për president, Donald Trump, është i njohur për vendosjen e softuerit të vëzhgimit në telefonat celularë të viktimave të tij, duke u mundësuar atyre të regjistrojnë thirrjet, të vjedhin mesazhe dhe të ndezin në heshtje kamerat dhe mikrofonat.

I njohur si APT42 ose CharmingKitten nga komuniteti i kërkimit të sigurisë kibernetike, hakerët e akuzuar iranianë besohet gjerësisht se janë të lidhur me një divizion të inteligjencës brenda ushtrisë së Iranit, i njohur si Organizata e Inteligjencës e Korpusit të Gardës Revolucionare Islamike ose IRGC-IO, transmeton Klankosova.tv.

Paraqitja e tyre në zgjedhjet amerikane është e rëndësishme, thanë burimet për Reuters, për shkak të qasjes së tyre pushtuese të spiunazhit kundër objektivave me vlerë të lartë në Uashington dhe Izrael.