Osmani nga tubimi përmbyllës në Kryeqytet: Sepse Kosova, atdheu ynë i dashur, është mbi të gjitha

Kandidatja e LDK-së për presidente, Vjosa Osmani, pas tubimit përmbyllës të partisë që u mbajt në sheshin “Skënderbeu” të Prishtinës, e ku u mblodhën me mijëra qytetarë, ka dalë me një mesazh për qytetarët.

Duke publikuar pamjet nga ky tubim, Osmani tha: “Sepse shpresa është gjithmonë më e fortë se frika. Sepse bashkimi është gjithmonë më i fortë se përçarja. Sepse qytetari është gjithmonë më i madh se secili politikan. Sepse Kosova, atdheu ynë i dashur, është mbi të gjitha”.