Inspektorati me aksion për rrënimin e vilave luksoze në Batllavë (VIDEO)

Me asistencë të policisë, inspektorët komunalë të Podujevës që në mëngjes ia mësynë rrënimit të një ville në Orllan, që nuk posedoi leje ndërtimi.

Për pak orë, investimi mijëra eurosh u bë rrafsh me tokë. Të zotët e shtëpisë nuk bënë rezistencë, ndonëse shkatërrimin e pasurisë së tyre e panë si të jashtëligjshëm.

Pronari Menduh Lluka e pranoi që për këtë ndërtim që e nisi në 2018-ën, nuk posedonte leje, por i tha Klanit se ishte në procedurë të legalizimit të saj.

Megjithëkëtë, në komunë po e thonë të kundërtën. Zëdhënësi i komunës së Podujevës, Fatri Zhitija, tha se Gjykata e Ministria e Ambientit i kanë kthyer si të pabazuara ankesat e pronarëve atëherë kur edhe i është hapur rruga inspektorëve për të filluar rrënimin.

klankosova.tv