Babai i Neymarit i drejtohet të birit përpara debutimit në Kupën e Botës

Babai i Neymarit i dërgoi një mesazh emocional të birit përpara ndeshjes së Brazilit me Skocinë në Kupën e Botës 2026.

Në raundin e tretë të fazës së grupeve, Brazili do të përballet me Skocinë, dhe 34-vjeçari Neymar mund të debutojë në turne pasi u rikuperua nga një dëmtim.

Neymar da Silva postoi një video-mesazh për të birin në rrjetet sociale, duke i ofruar mbështetje të përzemërt dhe duke i uruar fat përpara kësaj ndeshjeje vendimtare.

“Zoti na ka ndihmuar… Ka ardhur koha. Le ta përjetojmë këtë së bashku. Paç fat, bir! Paç fat, Brazil. Zoti të bekoftë dhe të mbrojttë!” thuhej në mesazh.

Babai i Neymar shtoi gjithashtu një frazë emocionuese: “Vrapo, djalosh, vrapo. Vrapo sikur të jetë dita e fundit e jetës sate”. /Klankosova.tv