“Harry Potter” po bëhet baba për herë të parë

Aktori Daniel Radcliffe ka konfirmuar se është në pritje të fëmijës së tij të parë me partneren Erin Darke.

Ylli 33-vjeçar i “Harry Potter” dhe Darke, 38 vjeç, do të bëhen prindër këtë vit, shkruan Mirror.

Aktorët kanë qenë së bashku për një dekadë pasi thuhet se janë takuar në xhirimet e filmit “Kill Your Darlings” në vitin 2013, përcjell Klankosova.tv

Radcliffe fitoi famë në moshën 12-vjeçare kur luajti si magjistari me syze në filmin “Harry Potter and the Philosopher’s Stone” në vitin 2001.

Kohët e fundit, ai luajti rolin kryesor në “Weird: The Al Yankovic Story”, i cili u publikua vitin e kaluar.

Darke e lindur në Michigan njihet më së shumti për rolin e saj në serialin e vitit 2015 “Good Girl Revolt”, dhe së fundmi u shfaq në serialin “The Marvelous Mrs Maisel”.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS