Haradinaj nga Fushë Kosova: Ditën që e marr qeverinë, s’do guxojë askush të nga ngucë – as në veri as në jug

Kryetari i AAK-së, Ramush Haradinaj, gjatë një tubimi në Fushë Kosovë e ka prezantuar Vildane Latifin si kandidaten e kësaj partie në këtë qytet.

Haradinaj gjatë tubimit tha se në ditën që ai e udhëheqë Qeverinë e Kosovës, vendin s’do guxojë ta ngucë askush.

“Ditën që e udhëheqi qeverinë, prej asaj dite e aq sa rri në Zyrën e Kryeministrit, s’na ngucë askush, as në veri, as në jug. Pritojnë të na ngacmojnë sepse historia flet”.

“Me zotimin për anëtarësimin direkt të Kosovës në NATO si një obligim politik e kombëtar, në mbështetje në statut të AAK-së, jap këtë nominim. Nominoj Vildane Latifi, si kandidate për deputet”, tha Haradinaj, njofton Klankosova.tv.

Zgjedhjet për Kuvendin e Kosovës do të mbahen më 9 shkurt të vitit 2025, teksa deri më tani vetëm LDK-ja e ka bërë të ditur listën e plotë të kandidatëve për deputetë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.