Haaland ka numër më të lartë tentimesh për gol se e gjithë skuadra e Aston Villas

Erling Haaland është në një formë të jashtëzakonshme pas muajve të parë të sezonit, dhe shifrat e tij nxjerrin në pah një hendek jo vetëm midis tij dhe lojtarëve të tjerë – por edhe midis klubeve të tëra.

Sipas The xG Philosophy, sulmuesi norvegjez aktualisht krenohet me një numër më të lartë tentim golash se e gjithë skuadra e Aston Villas në Premier League.

Më parë ishte raportuar se sulmuesi 25-vjeçar i Manchester Cityt dhe Norvegjisë nuk është kapur në pozicion jashtë loje asnjë herë këtë sezon.

Në fakt, gjatë gjithë karrierës së tij në Premier League që përfshin gati katër vjet, ai është kapur në pozicion jashtë loje vetëm 18 herë. /Klankosova.tv