Gjykata franceze mbështet urdhërin për Assadin e Sirisë për armë kimike

Një urdhër-arresti i lëshuar për presidentin sirian Bashar al-Assad për përdorimin e armëve kimike të ndaluara kundër civilëve u mbështet nga një gjykatë në Paris të mërkurën, tha një nga avokatët që paraqiti çështjen fillestare.

Urdhri i lëshuar nga gjyqtarët francezë në nëntor të vitit 2023 i referohet akuzave për bashkëpunim në krime kundër njerëzimit dhe bashkëpunim në krime lufte, pas një hetimi francez për sulmet kimike në Douma dhe rrethin e Ghouta Lindore në gusht 2013, sulme që vranë më shumë se 1000 njerëz.

Prokurorët, të cilët do të ishin përgjegjës për t’i kërkuar policisë miratimin e urdhrit, kishin kundërshtuar vlefshmërinë e tij, duke argumentuar se, si kryetar shteti, Assad ishte i imunizuar nga gjyqi dhe ndjekja penale në Francë.

“Sot është një ditë shumë e veçantë dhe kjo është një fitore historike, jo vetëm për viktimat siriane, por për të gjitha viktimat në mbarë botën,” tha Mazen Darëish, kreu i Qendrës Siriane për Media dhe Lirinë e Shtypit, shkruan Reuters, transmeton Klankosova.tv.