Galatasaray vazhdon me fitore, i afrohet titullit

Galatasaray ka shënuar fitore minimale ndaj Hataysporit, me rezultat 1-0, në kuadër të Superligës së Turqisë.

Goli i Mauro Icardit ishte i mjaftueshëm për klubin nga Stambolli që ta sigurojë një fitore të rëndësishme në garën për titull.

Galatasaray pas fitores mbetet në vendin e parë me 84 pikë të grumbulluara, pas 31 xhirove, me pesë pikë më shumë se Fenerbahçe, që është në pozitën e dytë, me një ndeshje më pak të zhvilluar.

Ndërkohë, Hatayspori pozicionohet në vendin e 15-të me 33 sosh. /Klankosova.tv.