Fushë Kosovë: Kamioni rrëzon shtyllën elektrike dhe largohet nga vendi i ngjarjes (VIDEO+FOTO)

Në rrugën “Tahir Zemaj” të Fushë Kosovës, kamioni i një kompanie ka rrëzuar shtyllën elektrike gjatë tentativës për ta parkuar mjetin.

Siç shihet në videon e dërguar nga lexuesit e Klankosova.tv, shoferi i kamionit largohet nga vendi i ngjarjes menjëherë pasi e shkakton dëmin. Si pasojë, kabllot përfundojnë në tokë.

Klankosova.tv ka kontaktuar më kompaninë të cilës i përket kamioni, dhe përgjegjësit janë shprehur se nuk janë në dijeni të kësaj ngjarjeje dhe se kompania do t’i përgjigjet dëmit që ka shkaktuar shoferi.