FBK njofton që Prishtina do të jetë nikoqire e dy ngjarjeve të mëdha të FIBA Europe

Federata e Basketbollit e Kosovës (FBK), në bashkëpunim me FIBA Europe, nga 17 deri më 19 tetor 2025 do të organizojë në Prishtinë ngjarjen prestigjioze FIBA Europe U14 Get Together, e dedikuar trajnerëve të moshave të reja nga i gjithë kontinenti.

Ky aktivitet ka për qëllim zhvillimin profesional të trajnerëve, shkëmbimin e përvojave dhe fuqizimin e punës me gjeneratat e reja, një nga prioritetet kyçe të FBK-së në misionin tonë për rritjen e basketbollit në Kosovë.

Po ashtu, më 17 tetor, Prishtina do të mirëpresë takimin e Komisionit të të Rinjve të FIBA Europe (Youth Commission), ku Kryetari i FBK-së, Arben Fetahu, shërben si Nënkryetar.

Në këtë kuadër, Kosovën do ta vizitojnë:

Jorge Garbajosa – President i FIBA Europe

Kamil Novak – Drejtor Ekzekutiv i FIBA Europe

Zyrtarë të lartë të FIBA Europe dhe përfaqësues të federatave nacionale anëtare të Komisionit. /Klankosova.tv