E ardhmja e Camavingas te Reali, në dyshim

E ardhmja e Eduardo Camavinga te Real Madrid po ngre gjithnjë e më shumë pikëpyetje.

Ajo që dukej si një projekt i sigurt në mesfushën “blanco” është kthyer në një dilemë për Xabi Alonson.

Paraqitjet e mira të Aurélien Tchouaméni dhe lëndimet e shpeshta të Camavingas e kanë shtyrë mesfushorin francez në plan të dytë.

Konkurrenca në mesin e Realit ka qenë gjithmonë e ashpër, por forma e bashkëkombësit të tij e ka lënë Camavingan në hije, duke hapur mundësinë për një ndryshim destinacioni në muajt e ardhshëm.