Dua shkëlqen në tapetin e kuq së bashku me të dashurin (FOTO+VIDEO)

Dua Lipa ka shkëlqyer në parakalimin e tapetit të kuq për premierën e Alita: Battle Angel, mbajtur në Londër të Anglisë.

Këngëtarja nga Kosova aty ishte e shoqëruar nga i dashuri i saj, Isaac Carew.

Në këtë projekt Dua po e këndon këngën e këtij filmi “Swan Song”, e cila është publikuar me videoklip gjatë javës së kaluar.

“Jam e intriguar, si me personazhin e Alitës ashtu edhe me ekipin mahnitës të krijuesve që u bënë bashkë për suksesin e këtij filmi. Unë e shoh veten pak në rolin e saj, si në karakter ashtu edhe me stilin e ngjashëm të flokëve. Alita ka të bëjë me fuqizimin dhe të mbrojturit me atë që jeni, që janë dy gjëra që rezonojnë me mua”, ka deklaruar Dua.