Doku Tech nis të shtunën

Edicioni i tretë i konferencës më të madhe të teknologjisë në rajon e që mbahet në Kosovë DOKU:TECH fillon këtë fundjavë me 6-7 gusht në Lidhjen e Prizrenit, në Prizren.

DOKU:TECH ashtu si vitet e kaluara, edhe këtë vit sjellë për audiencën kosovare emra të njohur të fushës së teknologjisë, ndërmarrësisë, shkencës dhe biznesit nga e mbarë bota.

Shkencëtarja shqiptaro-amerikane Laura Mersini Houghton ishtë folësja e parë që i parapriu DOKU:TECH-ut me një edicion special në Prishtinë. Ndërsa hapja zyrtare e konferencës në Prizren do të bëhet me 6 gusht nga Aral Balkan, aktivist, dizajner, zhvillues softuerik, i cili përmes punës së tij në Ind.ie mundohet të tregoj rëndësinë e qasjes etike në zhvillimet teknologjike, bëjnë të ditur organizatorët, transmeton Klan Kosova.