Digjen tërësisht tre vetura në garazhën e një ndërtese në Emshir, 30 banorë marrin ndihmë mjekësore

Një incident i zjarrit ka ndodhur pas mesnate në lagjen Emshir në Prishtinë.

Tre vetura janë djegur në garazhën e një ndërtese, e po ashtu janë dëmtuar edhe dy vetura të tjera.

Kjo u konfirmua për Klankosova.tv nga komandanti i zjarrfikësve në kryeqytet, Malë Gashi.

Gashi tha se menjëherë kanë dalë në vendin e ngjarjes për të intervenuar.

Ai tha se zjarri ka depërtuar brenda ndërtesës duke shkaktuar panik tek banorët.

“30 prej tyre, janë evakuuar dhe u është ofruar ndihma tek Urgjenca Mjekësore”, tha Gashi për Klankosova.tv

Ende nuk dihet se si shkak i kujt u shkaktua ky zjarr.

Lidhur me rastin kanë nisur hetimet/ Klankosova.tv

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.