Dhuna në Kuvend në fokus të takimit Jahjaga-Veseli

Presidentja Atifete Jahjaga ka takuar sot kryekuvendarin Kadri Veselin, për të diskutuar rreth  zhvillimeve të fundit në këtë institucion.

E para e shtetit shprehu shqetësimin e saj për veprimet e dhunshme në seancën e djeshme të Kuvendit të Kosovës dhe pengimin e procesit demokratik.
Jahjaga njëherit inkurajoi deputetët e Kuvendit të Kosovës që mospajtimet konceptuale dhe politike t’i diskutojnë me forcën e argumentit dhe në frymën e kulturës parlamentare, transmeton Klan Kosova.