Dhjetra dronë ukrainas u rrëzuan mbi Krimenë e pushtuar dhe Rusinë jugore, thotë Rusia

Rusia thotë se mbrojtja ajrore rrëzoi dhjetëra dronë ukrainas në Krimenë e pushtuar dhe Rusinë jugore të premten, ndërsa Kievi vazhdonte strategjinë e tij për të synuar gadishullin e aneksuar nga Moska, raporton Associated Press.

Sirenat e sulmit ajror u dëgjuan në Sevastopol, qyteti më i madh në Krime dhe trafiku u pezullua për të dytën ditë në një urë që lidh gadishullin, të cilin Moska e kapi ilegalisht një dekadë më parë, me rajonin jugor të Krasnodarit të Rusisë. Ura është një lidhje thelbësore furnizimi për përpjekjet luftarake të Rusisë, transmeton Klankosova.tv.

Ministria ruse e Mbrojtjes tha se forcat e saj kapën 36 dronë mbi Krime dhe një mbi Krasnodar. Një raketë anti-anije e Ukrainës Neptun u shkatërrua gjithashtu mbi pjesën veriperëndimore të Detit të Zi, tha ministria.

Zhvillimet erdhën pasi tre persona u plagosën të enjten mbrëma nga sulme të tjera ukrainase me raketa dhe dron në qytetin kufitar rus të Belgorod dhe rajonin përreth, tha guvernatori i Belgorodit, Vyacheslav Gladkov.

Ndërsa presidenti ukrainas, Volodymyr Zelenskiy është zotuar të godasë më shumë objektiva në Gadishullin e Krimesë dhe brenda rajoneve kufitare ruse këtë vit.