Detaje rreth meçit të shumëpritur, McGregor vs. Khabib

Ish-kampioni karizmatik i peshës së lehtë në UFC, Conor McGregor, pas 19 muajve do të kthehet për herë të parë në kafaz për ta sfiduar kampionin aktual në këtë divizion, të pamposhturin Khabib Nurmagomedov.

Data kur do të zhvillohet kjo është gjashtë tetori i këtij viti, në T-Mobile Arena të Las Vegas, transmeton Klan Kosova.

McGregorit iu morr titulli i kampionit të peshave të lehta në prill pasi kishte dy vjet rresht që nuk ndeshej,

Mirëpo atij iu mundësua që të kthehet prapë për tu ndeshur me Khabib Nurmagomedov në ndeshjen e shumëpritur mes tyre.

“Unë do të mbroj titullin tim këtë vit, Inshallah (me dëshirën e Zotit)”, ka thënë Nurmagomedov gjatë një transmetimi për “Live Raise”.

klankosova.tv