Daçiq: Millosheviqin e mbytën në Hagë, kam dëshmi

Kryetari i Partisë Socialiste të Serbisë, Ivica Daçiq ka thënë se Sllobodan Millosheviqi është helmuar me barna  në Hagë dhe do t`iu sugjerojë avokatëve të familjes që të ndërmarrin  diçka rreth kësaj çështjeje.

Ish-lideri serb humbi zgjedhjet më 24 shtator të vitit 2000 kur erdhi edhe në pushtet Opozita Demokratike e Serbisë që ishte një aleancë e gjerë e partive politike demokratike në Serbi, dhe 17 vjet pas këtyre zgjedhjeve lideri i SPS-së, për Kurir thotë se DOS (Opozita Demokratike e Serbisë) nuk e gjunjëzoi atë dhe se MilLosheviqi u vra më 11 mars 2006 në Hagë dhe do ta dëshmojë një gjë tillë, transmeton Klan Kosova

Daçiq insiston se  Millosheviqi nuk kishte humbur votat e tij në atë kohë.

“Është e rëndësishme të thuhet se ai nuk i kishte humbur zgjedhjet për shkak se Koshtunica kishte më shumë se 50 për qind, por pas kryerjes së 5 tetorit komisioni zgjedhor nën presion ka anuluar zgjedhjet në Kosovë. Kështu, Koshtunica mori pak më shumë se 50 për qind. Thjesht, ata nuk donin ose shqetësoheshin për raundin e dytë”.

Ai tha se tashmë është e qartë se Serbinë nuk e kanë sulmuar për shkak të Sllobodan Millosheviqit, dhe që doli se e tërë fama rreth tij ishte mashtrim.

“Mendoj se tani është e qartë se përkundër gabimeve që ka bërë, Millosheviç nuk ishte arsyeja pse ata sulmuan Serbinë, sepse ne kemi të njëjtat çështje dhe presione sot. Por pastaj u krijua një mendim i tillë që është e nevojshme vetëm të largohet Millosheviqi dhe gjithçka do të jetë e mrekullueshme. Ajo doli të jetë një mashtrim i madh, mundësi e humbur për përparimin e Serbisë dhe pritjet zhgënjyese të qindra mijëra njerëzve që besonin në të – tha kreu i SPS-së, transmeton Klan Kosova.

Kryediplomati serb më tej potencon se  “ekstradimi i Millosheviqit në Hagë, në ditën e Shën Vitus, do të regjistrohet  në historinë e Serbisë, dhe se gjykimi i tij, ishte në fakt, gjykim  i gjithë kombi serb”.

“Është një tragjedi e madhe që presidenti i një vendi ishte ekstraduar në Gjykatën e Hagës, dhe kjo është për Vidovdan. Ajo do të mbetet e regjistruar në historinë tonë. Nuk është një tragjedi që ka rënë, mund të jetë e dobishme, por gjyqi i tij ishte një gjyq i Serbisë dhe popullit serb. Dhe ata nuk mundën ta dënonin. Kjo është gjëja më e rëndësishme. Kjo është arsyeja pse ata e vranë atë me barnat e gabuara, për të cilat ka prova “, pohon Daçiq, transmeton Klan Kosova.

I pyetur nëse mund të kërkohet drejtësi para institucioneve ndërkombëtare, pasi ai tashmë pretendon se ka dëshmi se Millosheviqi u vra, pasuesi i tij në krye të partisë thotë:

“Është tepër vonë tani, por ndoshta duhet … Por jo qeveria, por përfaqësuesit ligjorë të Millosheviqit. Unë kam folur për këtë gjë shumë herë, por unë do t’u kërkoj avokatëve të shohin se çfarë mund të bëhet, transmeton Klan Kosova.