Brukseli zgjat statusin e refugjatëve ukrainas

Komisioni Evropian ka propozuar zgjatjen deri në mars 2028 të statusit të mbrojtjes së përkohshme për refugjatët ukrainas në shtetet e Bashkimit Evropian, në një kohë kur lufta në Ukrainë vazhdon.

Aktualisht, mbi 4.4 milionë ukrainas përfitojnë nga kjo mbrojtje, e cila u lejon të jetojnë dhe punojnë në vendet e BE-së, kryesisht në Gjermani, Poloni dhe Çeki, transmeton Klankosova.tv.

Megjithatë, sipas propozimit të ri, burrat në moshë ushtarake që aplikojnë për herë të parë nuk do të përfitojnë nga kjo mbrojtje, një ndryshim që ka ngjallur debat në BE.

Komisioneri për Migracionin, Magnus Brunner, tha se mbështetja do të vazhdojë për aq kohë sa lufta vijon, ndërsa shtetet anëtare po diskutojnë edhe zgjidhje afatgjata për të ardhmen e refugjatëve ukrainas.