Borrell uron qeverinë e re serbe, kërkon bashkëpunim nga Vuçeviq e Gjuriq NULL NULL 03.05.2024 18:26 03.05.2024 18:26 Shefi i Politikës së Jashtme të Bashkimit Evropian, Josep Borrell, flet me shtypin ndërsa mbërrin për një takim të ministrave të jashtëm të Bashkimit Evropian në Bruksel, Belgjikë, më 19 shkurt. Fotografia: Reuters Përfaqësuesi i Lartë për Politikë të Jashtme i BE-së, Josep Borrell, ka uruar Millosh Vuçeviqin për zgjedhjen në pozitën e kryeministrit të Serbisë. Ai është deklaruar se pret bashkëpunim me qeverinë e re dhe ministrin e ri të Jashtëm serb, Marko Gjuriq. “Pres të punoj me ju, ministër Gjuriq dhe qeverinë, për ta lëvizur Serbinë në rrugën e saj drejt Bashkimit Evropian”, ka shkruar Borrell, transmeton KlanKosova.tv. “Rreshtimi dhe veprimi në linjë me vlerat evropiane dhe politikat e përbashkëta të jashtme dhe sigurisë, janë sinjale të domosdoshme të orientimin strategjik”.
