Borrell: Izraeli të heqë dorë nga një ofensivë tokësore në Rafah NULL NULL 06.05.2024 14:10 06.05.2024 14:10 Shefi i Politikës së Jashtme të Bashkimit Evropian, Josep Borrell, flet me shtypin ndërsa mbërrin për një takim të ministrave të jashtëm të Bashkimit Evropian në Bruksel, Belgjikë, më 19 shkurt. Fotografia: Reuters Shefi i Politikës së Jashtme të Bashkimit Evropian, Josep Borrell, ka thënë se është e papranueshme thirrja e Izraelit për evakuim të civilëve në Rafah. Me anë të një shkrimi në platformën X, ai ka theksuar se Tel Avivi zyrtar duhet të heqë dorë nga ofensivat tokësore në Rafah. “Urdhrat e evakuimit të Izraelit për civilët në Rafah parashikojnë më të keqen: më shumë luftë dhe krizë ushqimore. Është e papranueshme”. “Izraeli duhet të heqë dorë nga një ofensivë tokësore dhe të zbatojë Rezolutën 2728. BE-ja, me Komunitetin Ndërkombëtar, mund dhe duhet të veprojë për të parandaluar një skenar të tillë”, ka thënë Borrell. /Klankosova.tv
