Belgjika gjeti kadmium në mjedrat nga Serbia

Belgjika ka lëshuar një paralajmërim se ka gjetur kadmium në mjedrat e ngrira me origjinë nga Serbia, është bërë e ditur në faqen e internetit të Sistemit Evropian të Lajmërimit dhe Njoftimit të Shpejtë për Ushqimin (RASFF), shkruan n1info, transmeton Klan Kosova.

Siç u tha, konsumimi i këtij fruti do të kishte një rrezik potencialisht serioz për shëndetin, sepse siç thotë RASFF, kadmiumi është një nga metalet e rënda.

Shpërndarja e mjedrave të përmendura ka qenë e kufizuar në Belgjikë dhe problemin e ka konstatuar kompania që i shpërndan ato në treg.