Avokati paralajmëron: Punësimet e përkohshme pa konkurse janë shkelje e ligjit (VIDEO)

Punësimet pa konkurse publike në institucionet e shtetit, janë në kundërshtim me ligjin.

Sipas avokatit Muharrem Kurtaj, për çfarëdo pozite në sektorët e arsimit apo sektorët tjerë, duhet medoemos secili kandidat t’i nënshtrohet procedurave të rekrutimit, raporton Kiks Kosova.

Zëvendësimi i një zyrtari, sipas Kurtajt, mund të bëhet veç nëse transferohet nga një shkollë në një tjetër, por jo të zë vend pune një zyrtar i jashtëm.

“Emrat vijnë të paracaktuar” / Ankohet ferizajasja për punësim pa konkurs në “Elena Gjika” (VIDEO)

Punësimet në pozita me afate të caktuara dhe përkohshme, sipas njohësit të ligjit, janë të lejueshme vetëm në disa raste të caktuara.

Në anën tjetër, nga Inspektorati i Arsimit thanë për Kiks Kosovën që nuk kanë kompetenca në trajtimin e rasteve që lidhen me aspektin procedural për çështje punësimi.

Kiksi dërgoi pyetje edhe në Inspektoratin e Punës, por deri në transmetimin e kësaj kronike, një përgjigje nuk erdhi. /Klankosova.tv