Autoritetet spanjolle arrestojnë një rrjet të trafikut njerëzor, lirojnë 21 viktima

Policia spanjolle ka arrestuar 15 të dyshuar që besohet se janë pjesë e një rrjeti kriminal të trafikut të qenieve njerëzore.

Operacioni përfshiu shtatë bastisje në provincën jugore të Seviljes, me 21 viktima të liruara, shkruan euronews, transmeton Klankosova.tv.

Kryesisht nga Moldavia dhe Rumania, viktimat u mbajtën në kushte mizore dhe u privuan nga ushqimi dhe uji gjatë ditëve të gjata të punës, thonë autoritetet spanjolle.

Viktimat shfrytëzoheshin në sektorin e bujqësisë.

Ata u rekrutuan në vendet e tyre të origjinës përmes reklamave dhe mediave sociale, duke ofruar punë në Spanjë me kushte dhe paga fiktive pune.

Drejtuesit e rrjetit kriminal do të përballen me akuzat për trafikim qeniesh njerëzore, falsifikim dhe vjedhje identiteti.