Askush nuk e bën si ti: Dua Lipa reagon pas largimit të Donatellas nga Versace

Dua Lipa mahnit me linjat e saj në një homazh për Donatella Versace

Dua Lipa ka shkëlqyer me paraqitjen e saj tërheqëse teksa modeloi një sërë veshjesh provokuese të Versace në një postim në Instagram, kushtuar largimit të Donatella Versace nga drejtimi i markës.

Këngëtarja 29-vjeçare, e cila është ambasadore e brandit dhe vitin e kaluar lançoi koleksionin e saj me Versace, dukej mahnitëse në disa kombinime që theksonin barkun e saj të tonifikuar, ndërsa reflektonte mbi bashkëpunimin e saj me stilisten.

Në një prej imazheve, Dua mbante duart mbi gjoks për të shmangur një incident të mundshëm, ndërsa Donatella, 69 vjeç, i lidhte korsenë metalike ngjyrë rozë të ndezur.

Këngëtarja e hitit Houdini më pas pozoi me një xhaketë të shkurtër argjendi dhe një fund mini të kombinuar, duke e plotësuar pamjen me një zinxhir beli që theksonte siluetën e saj elegante.

Dua ndau gjithashtu momente prapa skenave nga sfilata e saj për Versace, ku u shfaq me një fustan të zi me prerje të guximshme, duke nxjerrë në pah format e saj.

Ajo e shoqëroi postimin me fjalët: “Askush nuk e bën si ti, në Instagram.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.