Arrestohet vëzhguesi, por jo për procesin zgjedhor NULL NULL 06.10.2019 11:11 06.10.2019 11:11 Një vëzhgues i një partie është arrestuar në fshatin Brus të Lipjanit, transmeton Klan Kosova. Sipas Flora Ahmetit, zëdhënëse në Drejtorinë Rajonale të Policisë në Prishtinë, arrestimi i këtij personi vjen pasi ndaj të dyshuarit kishte pasur fletëarrest nga gjykata. “Rreth ore 08:00 në fshatin Brus të Lipjanit,është arrestuar një person me urdhëresë të Gjykatës Themelore për veprën grabitje. I njëjti është dërguar në vuajtje të denimit”, ka thënë Ahmeti. Rastin për arrestimin e këtij vëzhguesi e ka pranuar edhe Hamëz Kadriu, përfaqësues i KKZ-së në Lipjan, “Është arrestuar nga Policia por nuk ka të bëjë asgjë me procesin zgjedhor. Vëzhguesit monitorohen drejtpërdrejt nga subjektet politike”, ka thënë Kadriu.