Ukraina intensifikon sulmet, shënjestron objektet energjetike në Rusi

Një sulm me dronë ukrainas ka shkaktuar vdekjen e një personi dhe ka ndezur një zjarr në një terminal detar në portin jugor rus të Temryuk, në rajonin e Krasnodarit, ka bërë të ditur guvernatori Veniamin Kondratiev të shtunën përmes Telegramit.

Ushtria e Ukrainës dhe Shërbimi i Sigurisë së Ukrainës (SBU) thanë se dronët ukrainas kanë goditur disa objektiva në Rusi gjatë sulmeve të natës, përfshirë një terminal nafte dhe gazi në rajonin e Krasnodarit, si dhe një objekt për përpunimin dhe pompimin e naftës në rajonin e Volgogradit, shkruan  Reuters, transmeton Klankosova.tv.

Ukraina po vazhdon të godasë infrastrukturën energjetike të Rusisë, ndërsa përpjekjet për paqe për t’i dhënë fund luftës kanë ngecur.

Sipas SBU-së, dronët goditën terminalin e naftës dhe gazit Tamanneftegaz në Krasnodar, duke dëmtuar pesë depo karburanti dhe dy pika ngarkimi nafte.