Aplikoni maskë mandarine për lëkurë të thatë

Maska mund të aplikohet një herë në javë me qëllim që të pasuroni rutinën tuaj për kujdes të lëkurës dhe të siguroni hidratim për të cilin keni shumë nevojë, sidomos në stinën e dimrit.

Dimri është sezoni i agrumeve, dhe përveç asaj se janë të shkëlqyeshëm për shëndetin, janë edhe për lëkurën.

Agrumet janë mjaft ideale për kujdesin e lëkurës, andaj kjo recetë e thjeshtë do të ishte zgjedhja e duhur për shpëtim nga thatësia e lëkurës, përcjellë Femina.al.

Nga mandarinat largoni farat dhe shtrydhni lëngun. Shtoni një lugë ajkë dhe përzieni mirë. Maskën vendoseni në fytyrë të pastër më herët dhe lëreni të veprojë për 15 minuta. Më pas shpërlani fytyrën me ujë të vakët. Pastaj vendosni kremën tuaj të preferuar hidratuese.

Këtë maskë mund ta përdorni një herë në javë për të përmirësuar shëndetin e lëkurës së fytyrës.