Anija fundoset pranë Tunizisë me më shumë se 40 sudanezë në bord, 13 prej tyre vdesin

Të paktën 13 emigrantë sudanezë kanë vdekur dhe 27 të tjerë janë zhdukur pasi anija në të cilën ndodheshin u fundos në brigjet e Tunizisë, tha një zyrtar tunizian.

Vetëm dy persona në bord mbijetuan, ndërsa operacionet e kërkimit ishin duke u zhvilluar për të zhdukurit, shtoi ai, shkruan BBC, transmeton Klankosova.tv.

Kjo është fatkeqësia e fundit që goditi emigrantët që përpiqen të kalojnë Mesdheun nga Afrika në Evropë.

Sudani u zhyt në një luftë civile rreth 10 muaj më parë, duke detyruar të paktën nëntë milionë njerëz të largohen nga shtëpitë e tyre.