Amorim i pakënaqur me ekipin, klubi synon të i’a plotësojë një tjetër dëshirë

Manchester United ka vënë syrin mbi një nga talentet më premtues të Premier League.

Bëhet fjalë për Elliot Anderson, 22 vjeç, i cili dallohet për paraqitjet e tij të shkëlqyera te Nottingham Forest, duke u bërë një nga surprizat e mëdha të kampionatit anglez, transmeton klankosova.tv.

Portugezi Rúben Amorim kërkon këtë transferim për të forcuar skuadrën e Red Devils në sezonin e ardhshëm, duke e parë Anderson si një profil të përshtatshëm për rinovimin e sulmit.

Anderson, i lindur në Angli por me rrënjë skoceze, është dalluar për aftësinë për të krijuar hapësira, vizionin e lojës dhe lehtësinë për të shkuar në zonën kundërshtare, gjë që ka tërhequr interesin e disa klubeve evropiane. Megjithatë, sipas mediave britanike, një pengesë kryesore mbetet dëshira e lojtarit për të ndryshuar ambient.

Anderson shijon vazhdimësinë dhe besimin te Nottingham Forest, por fuqia financiare e Manchester United dhe mundësia për të luajtur në kompeticione evropiane mund të jenë faktorë vendimtarë.

Nëse marrëveshja arrihet gjatë merkatos së dimrit, Anderson do të kalojë nga një yll në ngritje i Nottingham Forest në një nga fanellat më ikonike në futbollin botëror, me sfidën për të treguar se është gati për një hap cilësor më të lartë në karrierë.

Dhjetori do të jetë vendimtar për të ardhmen e tij, ndërsa Manchester United dhe Nottingham Forest përgatiten për një negociatë të nxehtë për lojtarin.