Aktori në Arabi u arrestua se ka shumë fansa (VIDEO)

Ylli televiziv i Arabisë Saudite, Abdul al-Kassar, është arrestuar pasi që ka bërë shumë selfie me fanset e tij në një qendër tregëtare.

Kassar ishte për një vizitë në një qendër tregtare, kur një grumbull i grave e rrethuan për t’i bërë fotografi, transmeton Klan Kosova.

Kjo gjë nuk i pëlqeu fare policisë që ishte aty.

Në një video të postuar shihet Kassar që tërhiqet nga një burrë i veshur me të bardha.

Kassar është një aktor që ka luajtur në shumë filma dhe njihet për fizikun e bukur.

Ai ka një numër të madh të fansave në rrjetet e tij sociale.

Më pas Kassar ka shpjeguar se ai nuk kishte për qëllim që të tërhiqte vëmendjen e grave.

“Unë nuk prisa që shumë njerëz të vraponin pas meje”.

“Dëshirojë që të shpreh se prezenca e vajzave aty nuk ishte nën kontrollin tim”.

“Kur mbërrita në qendër, disa fansa mu vërsulën derisa erdh dikush e më tërhoqi”.

Aktori është duke u akuzuar për prishje të rendit publik, për kontakte me gra që nuk i njeh si dhe për abuzim të rrjeteve sociale.