‘Air Force One’ drejt Ankarasë, fluturimi i Trump bëhet më i ndjekuri në botë

Avioni presidencial amerikan Air Force One, i cili transportoi presidentin e SHBA-së, Donald Trump drejt Ankarasë për Samitin e 36-të të NATO-s, u bë fluturimi më i ndjekur në platformën e gjurmimit të fluturimeve Flightradar24.

Udhëtimi i Trump tërhoqi vëmendjen e mijëra përdoruesve në mbarë botën, transmeton Klankosova.tv

Sipas të dhënave të Flightradar24, gjatë fluturimit të avionit presidencial rreth 18 mijë persona e ndoqën atë njëkohësisht drejtpërdrejt, duke e renditur fluturimin AF1 me etiketën “#1 Worldwide” si fluturimi më i ndjekur në atë moment.

Donald Trump u nis nga baza Camp Springs me avionin presidencial Boeing VC-25 dhe mbërriti në Aeroportin e Ankarasë rreth orës 14:00.

Interesi i madh për gjurmimin e Air Force One lidhet me simbolikën e këtij avioni, i cili konsiderohet një nga mjetet ajrore më të sigurta dhe më të njohura në botë, si dhe me rëndësinë e vizitës së presidentit amerikan në një ngjarje të nivelit të lartë ndërkombëtar, transmeton Klankosova.tv