Adele dhe Ed Sheeran kryesojnë me nominime në BRIT Award 2022

Adele dhe Ed Sheeran kryesuan nominimet për BRIT Awards 2022, me nga katër nominime secili.

Bashkë me ta me numër të njëjtë nominimesh janë edhe Little Simz dhe Dave, të cilët së bashku me Sam Fender, do të luftojnë për çmimin inaugurues Artisti i Vitit në ceremoninë që do të transmetohet më 8 shkurt. Ky organizim numëron më së shumti artiste femra të nominuara gjatë më shumë se një dekade.

Ndryshe, ka dhe shumë artistë që janë nominuar dy herë për ceremoninë në fjalë, e në mesin e tyre bën pjesë edhe këngëtarja kosovare, Dua Lipa, e cila garon për kategorinë “Kënga e Vitit” dhe POP, R&B.