A mund të ndihmojë ngrënia e domateve në uljen e presionit të lartë të gjakut?

Sipas një studimi të ri, ngrënia e domateve lidhet me një efekt në uljen e presionit të gjakut dhe mund të parandalojë presionin e lartë të gjakut tek njerëzit e moshuar.

Njerëzit në studim që hanin më shumë domate ose produkte domate çdo ditë ulën rrezikun e presionit të lartë të gjakut me më shumë se një të tretën, shkruan MNT, transmeton Klankosova.tv.

Domatet përmbajnë likopen, i cili ndihmon në mbajtjen elastike të mureve të enëve të gjakut, si dhe kalium që ndihmon në menaxhimin e efekteve të natriumit dhe ndihmon në kontrollin e niveleve të lëngjeve në trup.