Nis marshi protestues në Mitrovicë me moton “Stop vrasjeve ne jemi me Ermalin”

Në Mitrovicë, ka nisur marshi protestues me moton “Stop vrasjeve ne jemi me Ermalin” që ka për qëllim dënimin dhe ndalimin e dhunës që u ushtrua me rastin e vrasjes së Ermal Kamberajt.

Përveç numrit të madh të qytetarëve që po marrin pjesë në këtë protestë, i pranishëm është edhe Kryetari i Mitrovicës Agim Bahtiri, njofton Klan Kosova.

Kjo protestë po mbahet pasi të premten në mbrëmje u vra me tre plumba Ermal Kamberaj, 24-vjeçar, në një prej kafiterive të këtij qyteti.

Identiteti i dorasit tashmë është bërë i ditur, por ai vazhdon të jetë në arrati.

Nuk dihen ende motivet që quan deri në këtë akt barbar, por organet kompetente janë duke e hetuar rastin.

Ermalit, dje iu dha lamtumira e fundit. Ai u varros në varrezat e Shipolit.