Studimi i ri: Njerëzit me tatuazhe mund të gjejnë punë më lehtë

Është një këshillë që shpesh vjen e papritur për njerëzit me tatuazhe – “ju kurrë s’do të gjeni një punë me këto vizatime në trup”.

Mirëpo sipas një studimi të ri, ato fjalë s’kanë nevojë të thuhen më.

Studiuesit kanë zbuluar se të pasurit tatuazhe, në fakt mund t’i rrisë shanset e kandidatit që të punësohet, për shkak se arti trupor mund të ndihmojë në imazhin e kompanisë, sidomos për ato kompani që për target kanë konsumatorë më të rinj, shkruan Daily Mail, transmeton Klan Kosova.

Në studimin që është udhëhequr nga Universiteti Saint Andreës në SHBA, 192 njerëz që kanë pozita menaxheriale, kanë rekrutuar njerëz me tatuazhe e pa tatuazhe.

Kur kanë selsekionuar kandidatët, këta menaxherë kanë pasur shumë vlerësim për njerëzit me tatuazhe.