Këto janë periudhat e vitit kur njerëzit divorcohen më shumë

Një studim i Universitetit të Uashingtonit,e ka vërtetuar se divorcet mund të ndodhin më shumë në disa periudha të caktuara të vitit, shkruan CNN, transmeton Klan Kosova.

Studiuesit e këtij universiteti, kanë analizuar dosjet e divorceve nga periudha e vitit 2001 deri në vitin 2015.

Sipas të dhënave që janë analizuar, rezultatet tregojnë se më së shumti divorce ndodhin në Mars e në gusht, e shumë më pak gjatë muajve të vjeshtës e të dimrit.

Sipas studiuesve, divorcet ndodhin pas festave të ndryshme, për shkak se njerëzit zhgënjehen me pritjet e tyre dhe e kuptojnë se me të vërtetë gjithçka ka përfunduar.