Zjarrfikësit largojnë një pjesë të fasadës që rrezikonte qytetarët në Fushë Kosovë

Zjarrfikësit si dhe Policia së Kosovës kanë bërë një intervenim në lagjen Dardania në Fushë Kosovë, ku është larguar një pjesë e fasadës së një objekti që paraqiste rrezik për qytetarët.

Lajmin e ka konfirmuar për Klankosova.tv zëvendëskomandanti i Brigadës Profesionale të Zjarrfikësve në Prishtinë, Abdusamed Shkodra, i cili bëri të ditur se intervenimi tanimë ka përfunduar.

Ai sqaroi se në vendin e ngjarjes nuk ka pasur zjarr, por zjarrfikësit kanë ndërhyrë vetëm për të larguar pjesën e fasadës që rrezikonte sigurinë e kalimtarëve.

Pas përfundimit të ndërhyrjes, zona është konsideruar e sigurt për qytetarët.