Ippon që bën jehonë: Jon Kuka mposht serbin dhe synon bronzin evropian

Xhudisti kosovar Jon Kuka është vetëm një fitore larg medaljes së bronztë në Kampionatin Evropian U18, që po zhvillohet në Spanjë.

Kuka siguroi kualifikimin në finalen e repesazhit pasi mposhti xhudistin serb Petar Markovic me një Ippon spektakolar, duke dominuar plotësisht duelin, transmeton Klankosova.tv.

Federata e Xhudos e Kosovës ka publikuar edhe videon e momentit kur Kuka e rrëzon kundërshtarin serb me teknikën fituese.

Tashmë, xhudisti kosovar do të luftojë për medaljen e bronztë, ku në finalen e repesazhit do të përballet me sllovakun Daniel Palko.