Zelensky tregon se udhëheqësit e G7 diskutuan sanksione shtesë ndaj Rusisë

Presidenti ukrainas Volodymyr Zelensky tha të martën se udhëheqësit e Grupit të Shtatë vendeve kishin rënë dakord në një samit në Francë se Rusia nuk po e fitonte luftën e saj në Ukrainë dhe kishin diskutuar sanksione shtesë për ta sjellë Moskën në tryezën e negociatave.

Duke folur në një video-lidhje, ai tha se Rusia do të përballet me një dimër shumë të vështirë – mes përshkallëzimit të sulmeve ukrainase ndaj infrastrukturës së saj energjetike – nëse nuk arrihet një marrëveshje paqeje para asaj kohe, raporton Reuters, transmeton Klankosova.tv.

Zelenskiy tha se presidenti amerikan, Donald Trump i ishte përgjigjur shumë pozitivisht kërkesës së tij për të rritur furnizimet me raketa mbrojtëse ajrore në Ukrainë.